金錢=/=愛情

有d人一心希望能釣到鑽石王老五，抑或被有錢女人睇上眼…「咁下半世咪唔駛憂囉~」的而且確係唔駛憂食飯、著衫，一切身活所需，但係咁樣ge愛情仲有價值咩？

咩都係用錢去衡量，大家ge共同話題似乎離唔開個錢字：

「我要你買個lv俾我！咁樣先代表你愛我，我先肯見你屋企人」

「俾錢我，等我去買套靚衫先啦，唔係點同妳去ball呀？！」…我估大約就係咁啦

但係有d野你/妳係俾再多錢都換唔到，我想講ge係…你個另一半愛你/妳，我相信主要原因唔係因為你有錢，就算你/妳成日買野送俾佢、又或者幫佢出錢，佢都係因為愛你/妳細心、有風度、肯為佢出多d諸如此類ge原因先愛你/妳…

無錯，有錢係會令生活更加快樂、富足，但呢d富足只不過係物質上ge野，並唔係心靈上…如果單純為左令物質生活改善而載上Poker Face，我覺得好唔值得。同你/妳結婚ge唔係你老板，而應該係一個就算生活困難，提供唔到足夠物質時候，都唔會埋怨你/妳，並且都能夠令你/妳心靈快樂ge一個對象。

仲有，永遠唔好因為家人/朋友，以至任何人同你/妳講：

「佢屋企咁窮，都配唔上你/妳，唔好要佢啦，唔通等你/妳養佢咩？」

「人地屋企咁有錢，你/妳呢d小市民無謂失禮人啦！」

Is totally bull shit!拍拖ge係你/妳呀！唔好因為人地一兩句就放棄一個你/妳肯為佢付出ge人，大前提係要珍惜眼前人！